منتدى بنات وبس

منتدى بنات وبس

منتدى بنآت وبس | خطوآت إبداعية نحو الجنة ® منتدى بنآت وبس.
 
الرئيسيةالرئيسية  البوابة  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 رواية احبك كلمه معناها حياتي وروحي في يدك روايتي الاولى رومانسيه وجريئه جدا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BaNaT WbS
مديرة منتدى بنات وبس ~
مديرة منتدى بنات وبس ~
avatar

عدد مسآهمآتي ~ : 896
نقآططي ~ : 2095
العمر : 18
سٌّمعَتي ~ : 0
مززآججي ~ :
دَولِتے ~ :
جنســــيے ~ : انثى

مُساهمةموضوع: رواية احبك كلمه معناها حياتي وروحي في يدك روايتي الاولى رومانسيه وجريئه جدا    الثلاثاء يونيو 07, 2011 4:02 pm

الام ياسمين :وهي فلاويه لابعد درجه
خالد : في رابعه جامعه حلو وكشخه ومن النوع الي يعصب بسرعه بس فله يدرس ادارة اعمال
نواف :في ثالث جامعه حلوه مره و شايف نفسه بس طيوب يدرس طب
نايف :في ثاني جامعه حلو ويحب السفر يدرس حقوق
عبير:حلوه جنان تحب المقالب ورجه وفله في ثالث ثانوي
نوف :حلوه و تحب التريقه ورجه وفله في ثاني ثانوي
العائله الثانيه :
عائله ابراهيم :ابو مشاري
الام مها: تحب تتكشخ وتحب الفله والرجه
مشاري :حلو لابعد درجه وذوقه حلو في رابعه جامعه يدرس ادارة اعمال
ياسر : ثاني جامعه حلو وجنان ويحب السفر يدرس طب مع نايف
ملاك:حلوه تحب التهور ورجه وفله وتموت على الرقص في ثالث ثانوي
وعد: حلوه تحب شئ اسم رياضه يعني تحب تلعب كوره في اولى جامعه
العائله الثالثه :
عائله سعود :ابو راكان
الام منال: فله بس شوي ملتزمه
راكان :رابعه جامعه حلو مغازلجي بس طيوب وفله يدرس بتخصص فيزياء
رائد :رابعه جامعه وهو تؤام راكان بس الشكل يختلف وهو احلى من راكان وراكان ولد قبله بعشر دقائق وهو من النوع الراقي لابعد الحدود يدرس حساب
عبد العزيز :ثالث جامعه ومن النوع الي مايحب الهداوه وحلو يدرس ادراة اعمال
بشاير :ثاني جامعه تحب المغامرات والفله وحلوه
بشرى: ثانيه ثانوي نعومه ودلوعه وحلوه
العائله الرابعه
عائله احمد :ابو ماجد
الام فاطمه :وهي من النوع المزاجي
ماجد:خامس جامعه حلو حنون مره يدرس طب
بندر:رابعه جامعه حلو ويحب التريقه يدرس بتخصص فيزياء مع راكان
حنان:ثاني ثانوي تحب النوم وحلوه وفلاويه
شيخه :اولى جامعه حلوه تحب الفله وتحب تغني لان صوتها حلو
مرام اولى جامعه حلوه وهي تؤام شيخه شيخه اكبر من مرام بخمس دقايق وهي تحب كل شئ لها بس طيوبه وفله ومزاجيه
العائله الخامسه
عائلةابو ناصر
الام خلود : وهي اخت ابو مشاري وابوخالد وابو ماجد و ابوراكان وهي مررررررره حنونه
ناصر: هو الولد الوحيد والي خاطب شيخه وهو مررررررررررره رومانسي وهو رابعه جامعه يدرس بتخصص انجليزي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ
نبدا البارت الاول
في بيت ابو خالد وجمعت بنات في غرفة عبير الساعه 12 ليل
عبير :اقول ابي افلها بكره
نوف: يا مال الوجع وليش ما تفلينها اليوم
عبير :لان بكره مبارات الهلال وعتزال نواف التمياط
وعد :ايه يعني كالعاده نلبس ازرق وتنفرج على التلفزيون
عبير :المره هذي غير
ملاك : وش الغير علشان اعتزال نواف
عبير :ابي اروح الملعب
بشاير :هههههه حلم ابليس بالجنه
ملاك :من جدك
عبير :والله من جدي ومصممه والي بتروح معي حياها الله
حنان : عبير ملقب اعرفك تموتين على المقالب
عبير: والله والله والله العظيم اني جاده في كلامي
شيخه :وان شاء الله كيف نروح بيعرفون ان حنا بنات
عبير:الله يخلي الثياب حقت اخواني وغتره نسوي بها لثمه
ملاك:اجل انا معك ومستعده
بشاير :وانا بعد معك
وعد: وانا ماافوت شئ اسمه كوره بروح معك
بشرى :وه وه افرظي كشفونا وش نسوي
مرام :اذكري الله مااحد بيعرف
حنان :انا اذا رحت بنام هناك بس معكم وين ما تروحون تفلونها وانا اقعد مستحيل
عبير :اجل نتفق بكره العصر وانتوا هينا على ما اقول صديقتي نوره تدبر لنا تذاكر لانها تقول ان عندها تذاكر وماتدري وش تسوي فيها
ملاك:كم تذكره
عبير :تقول 12 يعني تكفينا وتزيد
بشرى:انا خايفه
نوف:ترا بفقع وجهك لاتخوفينا
بشاير :ماعليكم بشرى بتروح معنا يعني بتروح انا اقنعها
عبير:يعني احسب حسابها
بشرى: لا
بشاير :ماعليك منها احسبيها
عبير :خلاص تجهزوا بكره من اذن العصر وانتوا هينا نوره بتروح معنا علشان كذا هي الي بتمرنا اوكي
شيخه:اوكي
عبير:اوكي انا نازله اجيب قصاصة الاظافر
بشرى:وش وش لا اظافري لا
عبير: اجل مافي روحه للملعب بكيفكم
ملاك:طيب للحظه ابي اودع اظافري للابد اهئ اهئ اهئ
حنان: وياخسارة تبريد امس للاظافر بس اهئ اهئ اهئ
عبير:اقول احتفظوا بها احسن
نوف:تصدقين ودي علشان بعدين اوريها عيالي واقولهم خالتكم ضيعت مستقبلي
عبير:ههههههه حتى انا متحسفه بس يالله الفله تنادينا
طبعاً البنات قصوا اظافيرهم علشان ماينعرفون
راحوا البنات لبيوتهم على الساعه 2 ونص ناموا بدري علشان خطتهم وفي اليوم الثاني واليوم المنتظر كل البنات من قبل اذان الظهر صاحيات الا عبير ونوف طبعا ملاك وعد راحوا لبيت ابوخالد قبل اذان العصر بشوي الشغاله تفتح الباب
ملاك :وير عبير
الشغاله : سليب
ملاك :سلبوا عليها كلاب المسعا (المسعا =الليل)
دخلت ملاك مستعجله هي وعد ملاك تطلع الدرج
ام خالد: هلا غريبه انتوا تصحون بدري
ملاك :هلا فيك خالتي وراحت سلمت عليها هي و وعد
وعد :اسفين خاله ماانتبهنا
ام خالد :باين انكم مستعجلات اطلعوا قوموا البنات فوق
وعد :انا اللحين اقومهم تسمعين اصوات بساس (بساس = قطه =قطوه)
ام خالد : ههههههه ياحليلك بس
طلعوا البنات فوق علشان يقومون عبير ونوف ملاك تفتح غرفة عبير بقوه وبرجلها
وعد :ياهوه المباراه راحت علينا قومي
عبير بخوف :الساعه كم
ملاك : للحين مااذن العصر
عبير:يابقره انا قلت تعالوا على اذان العصر مو قبله شكلك مو شايفه خير ابد
وعد:الحماس لعب فينا بس يالله بسرعه
ملاك تشوف الساعه في جوال عبير: عبير الحقي 10 مكالمات لم يرد عليها
عبير تاخذ الجوال :حسبي الله عليك هذي نوره الا نوفوه قامت
وعد:اللحين نقومها
طلعت وعد وملاك يقومون نوف
ملاك : نوفوه ياحيوانه الساعه 6 المغرب قومي
نوف:لالا لا من جد راحت علينا المباراه
وعد :انتي بلى دلاخه للحين مااذن العصر قومي لا اعصرك اللحين
نوف:خلاص خلاص قمت
اذن العصر وكل البنات عند بيت ابو خالد
نوف: عبير امي ماطلعت روحي دبرينا
عبير: انتي بقره هي معزومه على عصريه اللحين تروح
بعد دقايق قليله طلعت ام خالد من البيت دقت نورة على عبير طلعوا البنات وهم متلثمات طبعا تعمدوا يبلسون ثايب واسعه علشان ماينعرفون انهم بنات
بشرى :اول مره اطلع بدون عبايه وطرحه
نوف :احس بشعور غريب ليتني ولد بس
نورة :بليز بنات حاولوا تغيرون من اصواتكم لان اذا مسكونا على الهيئه مباشر
بشرى: رجعوني بسرعه ماابي اروح رجعوني
عبير :الله ياخذ بليسك يا نورة لازم تخرعينها
نورة:وانا صادقه
وصلوا لمحل المباراه ودخلوا والرعب واضح عليهم دخلوا وكان معلب الهلال واغاني للهلال ودنيا طبعا بدت المباره على خير انتهاء الشوط الاول
نورة :عبير هاذي هي الفله الي تكلمين عنها هاه
عبير :صح اللسانك والله ياستانست ان شاء الله ما احد يكشفنا بس
نورة: وجع لاتخرعيني على ما انا متخرعه
بدوا البنات يغيرون في اصواتهم يهتفون ملاك وعبيرونورة وشيخه بأسم ياسر القحطاني
ونوف وبشاير ووعد مرام وحنان بأسم عيسى المحياني وبشرى ساكته لانها خايفه ومرعوبه
في لحظه كان جنب بشرى شاب من الشباب
الشاب :ياهوه ليش ماتشجع معنا هاه خلك متفأل وان شاء الله نفوز
بشرى شوي وتبكي وسكتت ونزلت راسها
الشاب استغرب :نفسك شينه والعياذ بالله
بدا يشجع الشاب
بشرى تدق نوف :نوف اللحقي الولد الي جنبي كلمني وطنشته والله خايفه
نوف:لا تشككينه فينا عادي شجعي وغيري صوتك ولاتخوفيني
بشاير: الحقي الحقي رائد موجود التفتي وراء وتشوفينه على طول
عبير: من جد انتي ولا تمزحين
بشاير : طيب شوفي وراك على طول
عبير : ابي اناظر اذا جات هجمه علشان مايشك فيني
جات هجمه عبير على طول ناظرت في رائد
مرام تشهق: بشاير وش نسوي
بشاير : ماادري خلينا نطلع
عبير: نورة لازم نطلع رائد وراي على طول اخاف
نورة : المزيون الي وراك يقرب لك
عبير: ايه اخو بشاير وبشرى
نورة: وه وه يهبل
عبير : كلي تراب لازم نطلع ولا نغير مكانا
نورة : الدعوة على كيف امك تغيرين مكانك مافي وخليك عادي وفري
عبير وبشاير ماصاروا متحمسين زي قبل والسكوت مأخذ وقتهم ما قالوا للبنات علشان ما يخربون جوهم
بشرى ساكته
الشاب الي جنبها رجع وكلمها : انت وش فيك صاير لك شئ ولا شئ ليش ساكت من جلست جنبك
بشرى تحاول تغير صوتها لخشن: اتركني ولا تتلقف
الشاب صار ينظار بشرىوبشرى تحاول تخفي عيونها لانها بتفضحها
ضحك الشاب : اهاااا عرفت ليش الهدوء ذا كله
بشرى خايفه وسكت ودمتها في عينها
الشاب يكمل كلامها : اثاريك بنت لا لا تخافين ماني قايل لاحد هههههههه
بشرى مسكت نووف على طول وقالت لها نوف قالت ملاك وملاك قالت لعبير وبشاير ونورة
عبير : كيف عرف الله يأخذكم يالله نطلع
نورة : يالله
بشرى كانت بتطلع
الشاب : اجلسوا انتي وشلتك احلف لك مااعلم انتوا زي خواتي
بشرى : مشكور بس لازم نطلع
الشاب : اذا بتطلعون انا اعلن ان انتوا بنات
بشرى : تكفى لا خلاص نجلس
جلسوا البنات الين اخر الشوط
بشرى: اوكي بلييز خلني اطلع بليز والله اهلي اذا رجعوا البيت مالقونا والله نروح فيها
الشاب: طيب خذي رقمي واطلعي
بشرى : بس انا مااحب اكلم شباب
الشاب:تتعودين
بشرى تكذب عليه : خلاص هاته
الشاب : قالوا لك اني غبي مره ولامره كذا
بشرى وهي بتبكي : هاه وش بعد
الشاب : هاتي رقمك ادق عليه اللحين وتأكد اوكي
بشرى : بليز حنا مو حق الحركات هاذي
الشاب : هاتي الرقم بسرعه بدون جدال
الشاب اخذ الرقم بعد متأكد انه جوالها
طلعوا البنات من الملعب قبل انتهاء الشوط الثاني
(طبعاً فيه احداث تصيرللبنات وبشرى مع ذا الرجال نتطرق له في الجزاء الجايه ان شاء الله)
غيروا البنات ولبسوا عبايات

بشرى :مالي دخل تروحون اللحين السوق وتغيرون رقمي بسرعه
نورة :والله انك دجه عادي قفلي جوالك
بشرى :لمتى اقفل جوالي لا تروحون السوق يعني تروحون
عبير :خلاص نورة قولي لسايقكم يودينا
نورة: اوكي احمد مر السوق <<<السايق اسمه احمد
السايق احمد :حاضر ماما
نورة : ياويلي انا اصغر من بنته ويقول لي ماما
عبير : عادي عادي سوي نفسك كبيره عليه هههههه
نورة: ايه طيب طيب
راحوا لسوق نزلت بشرى اخذت شريحه وكسرت شريحتها القديمه وراحوا بعدها لبيت ابو خالد
دخلوا قالبهم نايف عند الباب
نايف : وين كنتوا ان شاء الله
عبير بأرتباك : هاه كنا في السوق
نايف : اهااا
نوف : انت ما رحت للملعب
نايف : لا توني قمت وانقهرت اني مارحت
عبير: خيرها في غيرها باااااي نبي نطلع فوق
نايف : احد مسكم اطلعوا
نوف : ههههههه ياحلوك يااحلى اخو جيب معك وانت جاي بيبسي اوكي يااحلى اخ
نايف : اقول اذلفي فوق بس احسن لك
طلعوا البنات وتريقه واستهبال على اشكالهم وقت المباره وعلى بشرى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://b-wbs.top-me.com
قمر
بنوتة جميلة ~
بنوتة جميلة ~


عدد مسآهمآتي ~ : 200
نقآططي ~ : 200
سٌّمعَتي ~ : 0
مززآججي ~ :
جنســــيے ~ : انثى

مُساهمةموضوع: رد: رواية احبك كلمه معناها حياتي وروحي في يدك روايتي الاولى رومانسيه وجريئه جدا    الثلاثاء يوليو 05, 2011 1:18 am

مشكوورهــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BaNaT WbS
مديرة منتدى بنات وبس ~
مديرة منتدى بنات وبس ~
avatar

عدد مسآهمآتي ~ : 896
نقآططي ~ : 2095
العمر : 18
سٌّمعَتي ~ : 0
مززآججي ~ :
دَولِتے ~ :
جنســــيے ~ : انثى

مُساهمةموضوع: رد: رواية احبك كلمه معناها حياتي وروحي في يدك روايتي الاولى رومانسيه وجريئه جدا    الثلاثاء يوليو 05, 2011 2:32 am

العفو شكرآ لمرور العطر


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://b-wbs.top-me.com
 
رواية احبك كلمه معناها حياتي وروحي في يدك روايتي الاولى رومانسيه وجريئه جدا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بنات وبس  :: 。・゜・( آلفئه التعليميه)・゜・。 :: قـسم القصص والروآآيـــ آ ت والأساطير |•-
انتقل الى: