منتدى بنات وبس

منتدى بنات وبس

منتدى بنآت وبس | خطوآت إبداعية نحو الجنة ® منتدى بنآت وبس.
 
الرئيسيةالرئيسية  البوابة  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 روـآإيـــة " لآ تصصد هنآك" للكآتبه : أتعبني جفآك ‏

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BaNaT WbS
مديرة منتدى بنات وبس ~
مديرة منتدى بنات وبس ~
avatar

عدد مسآهمآتي ~ : 896
نقآططي ~ : 2095
العمر : 18
سٌّمعَتي ~ : 0
مززآججي ~ :
دَولِتے ~ :
جنســــيے ~ : انثى

مُساهمةموضوع: روـآإيـــة " لآ تصصد هنآك" للكآتبه : أتعبني جفآك ‏   الثلاثاء يونيو 07, 2011 4:09 pm

منيره : يالله يابنت اسرعي نروح نجهز للحفله الساعه صارت 7
مها : يالله خلصت
احمد : وين تبون ؟؟
منيره : اي مجمع نشتري للحفله
احمد : طيب يالله تحركوا
ركبوا في السياره
مها : احمد حجزتوا استراحه؟؟
احمد : لا مدري ابوي يمكن يحجز
منيره : مدري انتي كلمتيه؟
مها : لا بدق عليه
دقت على ابوها وقالها تحجز هي و احمد
مها : يقول خلي احمد يحجز لك للحين
احمد : ماني فاضي
منيره : عفيه حموود يالله بطريقك
احمد : طيب عن الحنه
مها : اي وحده اختار بعد سبوعين اووكي لاتنسا يوم الاثنين
احمد : طيب انزلوا خلصوا
منيره : تنزل معنا ؟؟
احمد : لا عندي شغل خلصوا واتصلوا فيني
مها : اوووكي باي
سكروا الباب ونزلوا للمجمع
__________________________

ساره : وش البس ياربي وش البس
شهد : خلصي امي لها ساعه تنطر بسرعه تحركي
ساره : طيب البس وانزل
شهد : بسرعه يرحم ؤؤمك
ساره: طيب سكري الباب
لبست ساره فستان تحت الركبه لونه زهري يجي ربع كم وفيه
كسرات من عند الصدر ولبست عليه عقد ناعم ذهبي فيه صورة
بنت مره كيوت وسوت شعرها تسريحه نص الشعر مفتوح والباقي
لامته وحطة ورده لونها ذهبي على شعرها ولبست جزمه ذهبيه
واساور ذهبي وجلوس وردي فاتح وخلصت يعني طالعه نعوومه
مره وكيوت لبست عباتها وطلعت
وشهد لابسه برمودا رمادي على تيشيرت لونه ابيض وعليه صورة
بنت حاطه ولبست اكسسواريز ملون احمر مع رمادي وجزمه حمرا
وفتحت شعرها لانه قصير وشكلها حلو حيل

موضي : خلصتي
ساره تهز راسها : ايوه خلصت
شهد : نمشي بس وين نور ؟؟
موضي: برى تلقينها مع الخدامه
شهد : طيب

طلعوا شافوا الخدامه معها نور البنت الصغيره تهبل بيضا وعيونها
صغيره خدودها كبيره شعرها قصير بوي فيها خمازات كانت لابسه
فستان احمر وجزمه واكسسوار احمر مطقمه وشكلها خيال

شهد : ياعمري انا على الاحمر فديتك ..(شالت نور وباستها)
ساره : طالعه قمر
موضي: احلفي بس اول مره تشوفينها امشوا
ساره وشهد : ههههههههههه

ركبوا السياره وطلعوا لبيت خوالهم وطبعا خالتهم فاطمه
هناك رايحه بقبلهم وخالهم سلمان بعد كان هناك والبيت كان مليان

نزلوا من السياره استقبلهم سلمان سلم على بنات اخته
وجلست امهم برى بالديوانيه عند الشباب تسلم عليهم وجلست مع اخوانها
دخلوا البنات داخل طبعا مدخل الحريم من باب والرجال من باب وبينهم
فاصل يعني مافي احد يشوفهم وفيه من ورا حوش كبير على قسم الرجال
<<حوسه
المهم

دخلوا البنات : السلام عليكم
الكل عليكم السلام وقاموا سلموا على بعض تعرفون سلام الحريم الي مايخلص
وجلسوا كل ثنين عند بعض سوالف وحش

خلود : جد متى رح تشوفينه ؟؟
ساره : مدري بس يدق علي
خلود : طيب عطيني خبر علشان آغطي عليك
ساره : اووكي
مرام وشهد وعفاف واسماء مع بعض
مشاعل والبندري وريم مع اماني مع بعض
اماني : اقول بنات تعالوا نروح بمجلس ثاني نسولف
الكل : اوكي
راحوا مجلس ثاني وجلسوا سوالف مع بعض واكل وضحك وناسه
خلود : اخ بطني طقت ابي اروح الحمام
اماني : مالت روحي انتي يالدوب
خلود : اقول اسكتي محترمتك لانك خالتي
ساره : ههههههه الله يالاحترام
مشاعل : شهد وين نور بشوفها
شهد : تلاقينها عند الشباب وش تبي فينا تكحل عيونها
اسماء: خليها تتونس بعدين تتغطاء مثلنا
اماني : لو اني مكانك كشفت
عفاف: يعني انتي ماتكشفين اسكتي بس كلهم عيال اخوانك
ماتتغطين احمدي ربك مو حنا
خلود : بقووم باي
ساره : لاتطولين
طلعت خلود وصعدت فوق تروح الحمام وهي صاعده الدرج
الي فوق على نهايته صدفت مع ولد خالها بدر اخو البندري
التؤام ودعمت فيه كانت لابسه سكني اسود وعليه بلوزه
خضراء فيها رسوم بالاسود وحاطه اكسسواريز اسود واخضر
على جزمه لونها اخضر وشعرها ذيل حصان وهي برونزيه
وشعرها لكتوفها اسود عيونها وسط وخشمها احلا شي
فيها مرسوم رسم طولها وسط جسمها نحيف بس حلو
بدر تم يطالع فيها مشت وهي تلف يمين يلف عليها تلف يسار
بعد يلف عليها بعدين رجع وراى وتأسف لها وطلعت تركض فوق من الاحراج

بدر منو هذي ؟؟ لايكون هذي مرام ؟؟ لا ماتوقع ماعلينا آروح آحسن لي)
ونزل تحت
اما خلود ماتدري وش اتسوي منحرجه للحين وتتذكر كيف
دعمت في بدر وتمت تفكر فيه حلو ؟؟ يهبل بس لا عندي غيره
؟؟ ويمكن غيره مو داري عني يعني اسحب على منو طيب
هذا ولد خالي ودايم رح اشوفه اكيد بحبه ورح يحبني مثل
ساره ومحمد شلون هم مع بعض والله مدري انا بنزل اشوف
سوير يمكن راحت لمحمد خلني الحق عليها بشوف اللقطات
الرومانسيه هههههه نستفيد منها

في المجلس عند البنات دق جوال ساره طلعت برى ترد وطبعا
مافي احد لاحظ عليها من الازعاج والتعليق تعرفون جمعة البنات

ساره : الو وو
محمد : هلا بالصوووت
ساره : هل فيك
محمد : هاه وينه الحلو ؟؟
ساره : داخل عند البنات
محمد : يالله تطلعين ؟؟
ساره : وين ؟؟
محمد : برى بالمزرعه مافي احد
ساره: انت وينك ؟؟
محمد : هناك تعالي مافي احد
ساره : اووكي دقايق وبكون هناك
محمد : طيب بانتضارك

خلود نزلت وشافت ساره مسكره الجوال
خلود : هاه بتروحين ؟؟
ساره قلبها يدق : ايه
خلود : لاتموتين بس روحي انا براقب الوضع ادق دقه تدخلين اوكي
ساره : طيب دعواتك خااايفه موت
خلود : روحي بس كل مره خايفه خايفه وتروحين ولاودك ترجعين
ساره : اروح بس احسن من مقابلك

طلعوا ساره وخلود دخلت في مجلس يطل على المزرعه
سكرت الباب وفتحت الشباك بشويش وبدت تطالع
راحت ساره تمشي بشويش وفتحت سور المزرعه الي
كانت بالحوش بعيده عن البيت عند قسم الرجال والحريم
وكان كلها شجر عالي يعني مافي احد رح يشوفها هناك
فتحت الباب ودخلت تمشي بحيا ماحست الا محمد وراها
ماسكها من خصرها ولفها عليه وعطاها بوسه
تخدرت ساره واستحت تمنت لو ان الارض بالعتها ولا يصير لها كذا
محمد : وه ياقلبيييييييه طالعه قمر
ساره منزله عيونها بالارض : شكرا
محمد : حرام عليك كذا تسوين فيني
ساره ساكته وعيونها بالارض
قرب محمد منها ومسكها مع يدها وهمس باذنها وقال احبك
البنت خلاص ماتدري وش تسوي ولعت حمرا وحرارتها ارتفعت
وبعدت عنه شوي وسحبت يدها
محمد : يالبى الي يستحوون فديت خدودهم الحمرا اه بس
خلود : اه ياقلبييييه هذي راحت فيها بدق الحقها قبل لايغما عليها
دقت خلود على ساره
ساره : لازم امشي هذي خلود قالت آذآ شآفت آحد بتدق علي
محمد رافع حاجبه: ماشبعت منك
ساره : خلاص مقدر
ومشت سحبها محمد له وطبع على خدها بوسه وعطاها كيس فيه هديه
محمد : هذي هديت نجاحك يالغلا
مشت ساره وقلبها بسروالها هههههههه من الاحراج وسحبتها خلود

خلود : وش يبي هذا صدق بايعها لو احد شافكم
ساره منحرجه :يوه بس لاتخربين علي تراني عايشه جو
خلود تقرص ساره : هيه صحصحي نبي ندخل داخل
لاتسرحين او شي ترى الحريم شكاكات
ساره تنهدت : اه طيب
دخلوا داخل البنات في المجلس وسوالف وضحك ووناسه
__________________________

مها : شوفي منيره هذي الزينه مو حلوه
منيره : اشوف لا مو حلوه غيري اللون حنا نبي لونين وردي فاتح مع اخضر
مها : طيب اول شي اشتري قماشه ساتان وردي واخضر وبعدين الزينه
منيره : شريتهم
مها : اشووف
طلعت منيره القماش من الكيس وشافته مها
مها : حلو طيب شوفي هذي الورود باخذها
منيره : اوكي حلوه
وراحت منيره تفر المحل وشافت واحد لابس جينز وتيشيرت
اسود وشكله خطير طالعت فيه وهو بعد يطالع فيها قرب من
عندها وحط الرقم في شنطتها
وعلى طول ابعدت عنه وراحت لمكان ثاني شرت كرستال للزينه
لون وردي واخضر وسلاسل ملونه وراحت لمها وهي كل عقلها
بهذا الولد اعجبت فيه شكله مره خطير
مها : خلصتي
منيره : ايه نمشي؟؟
مها : لا وين ؟؟ بس شوي نجلس ناكلنا شي بعدين نروح
منيره : طيب
وراحو للمطعم موجود بنفس المجمع وجلسوا ياكلون
وبالصدفه كان الولد موجود هناك وبس يطالع فيها
مها : ياربي وش فيه هذا بس يطالع
منيره خافت من مها : هاه مدري لاتطالعين فيه
مها حاطه يدها تحت خدها : ويه والله انه قمر
منيره : بس عيب تدرين شلون مشينا
مها : يوه خلاص مابطالع
منيره ولاردت عليها دقت على احمد وطلعوا له برا
بعد ربع ساعه وصلهم تعرفون الزحمه بالشرقيه كيف
المهم طلعوا وحطوا غراضهم بالسياره وراحوا لبيتهم
مها : يوه ماابي اروح البيت طفش
منيره : شرايك نروح مارينا نشتري ملابس للحفله
مها : لا والله تعبت من اليوم وانا افر
احمد : تبون باسكن
مها ومنيره : ايه ياليت
نزل احمد وجاب لهم ايس كريم من باسكن وركب السياره
مها : وش جبت لي
احمد : كاكاو
مها : مشكور
احمد : العفو
منيره : وانا ؟؟ يارب مو كاكاو يارب
احمد : لا مو كاكاو توفي
منيره : واو كنت مشتهيته تسلم
احمد : يالله اللحين نروح البيت
الكل : يالله
احمد : من قال اني مشاوركم انا بفتك منكم بروح لربعي
مها : مالت عليك وعليهم بس
احمد رما عليها ميوية صحه من ورا
مها : اي خلاص اسفين بس نبي البيت
منيره : شرآيك نروح بيت عمامي من زمان عمهم
احمد عدل جلسته
مها : مدري اتوقع عند خوالهم
منيره : ليش كلمتي شهد
مها : امس تقوول بس نعطل نسكن عند خوالي
منيره : اها ياحضهم مو حنا ماعندنا خوال ابد كلهم بمنطقه ثانيه
مها : بس عندنا عمام
منيره : يالله بكرا دقي عليهم بنروح لهم
مها : اووكي
احمد : اوديكم
مها : وش لقفك احد طلب منك
احمد عصب: مو زين اوديكم خلاص اجل ماني موديكم
منيره : ماعليك منها خلاص ماصدقنا احد قالنا اوديكم اسحبي كلمتك يابنت
مها : لا مو لازم اسحب كلمتي فيه غيره يودينا ..وماده بوزها
احمد : هذي مغروره على وش بالله قولي لي
مها : كلي حلا يحق لي الغرور فيه ناس تموت فيني
احمد بضحك واستهزاء: هههههه من يموت فيك يالقرده انتي
وخشتك بالله من يطالع فيك ..
مها : والله مالك خص مابقا غير واحد صايع وضايع يتكلم
احمد عصب : صايع وربي لاتندمين على هذي الكلمه يابنت ابوك
مدري على وش مستقويه احترمي الي اكبر منك لا بالعقال
منيره : ماعليك منها بزر وماتدري وش تقول ..تغمز لمها يعني اسكتي
مها لاويه البوز: اسفه بس انت تعصب بالواحد
احمد رافع اصبعه بتهديد: رجاء يامها احترمي نفسك وثمني كلامك
وشوفي مين قدامك انا محترمك ومقدرك ماابي اصير مثل الاخوان الثانيين
منيره : عساالله يطووول بعمرك ايه والله ماتقصر الله يعين البنات على اخوانهم
مها مو عاجبها الكلام تمت ساكته لين وصلوا البيت وراحت داخل
_____________________

فيصل وهو يسحب شهد من يدها : تعالي بقولك شي
شهد تسحب يدها : نعم.. بالله ماني ناقصه ثقل دم
فيصل: يعني انا ثقيل دم !!
شهد : بقووه ..
اسماء : خلص وش تبي ؟؟
فيصل : انتي احد كلمك
شهد : انا كلمتها ..اذا تبيني هي لازم تكون معي
فيصل : طيب بس شوي.. ابيك لحالك ابي منك شغله خاصه
شهد : مافي شي خااص عن اسماء مصيرها بتعرف
فيصل : اها طيب انتي قلتيها رح تعرف بس ماابيها تسمع
مني انتي قولي لها بعدين بسرعه شهد قبل تجي مرام
وعفاف ومالي خلق لهم
اسماء : خلاص شهد روحي شوفي المليغ وش يبي
فيصل : حدك ترى اسدحك هنآآ
اسماء: كفوك ..ماتقدر الاعلى البنات ..ومشت بعيد عنه
شهد تكتف يديها وتخز فيه : نعم ؟؟ وش تبي..
فيصل :انتي ليش كذا اسلوبك
شهد : والله هذا اسلوبي عاجبك والا مو عاجبك .. ومشت..
سحبها مع يدها وقربها من الجدار وتم ماسكها مع كتوفها بقوه
فيصل : لما اكلمك توقفين .. ورفع اصبعه ..سامعه
شهد عصبت : نزل اصبعك ولاتهدد لا والله تندم
فيصل يضحك : اندم وش تبين تسوين يعني
شهد سحبت نفسها منه : ابعد عني لا اصوت لتركي واعلمه على سوالفك
فيصل : اعتبره تهديد
شهد : اعتبره الي تبي ابعد عني تسمع والا لا
فيصل : واذا قلت لك ماني مبعد وش تبين تسوين ..وبداء يقرب منها ويقرب
شهد ماقدرت تتمالك نفسها وبدت تبكي : فيصل ابعد عني الله يخليك
فيصل : اذا بغيت ابعد ابعد مو انتي الي تامريني ..وضغط على كتوفها
شهد بصوتها المبحوح : اي اتركني خلاص اهي اهي
فيصل قرب منها وهمس باذنها : طالعه حلوه ..وتركها ومشا
شهد : ماصدقت على الله بس يتركها وراحت تركض نزلت تحت
ومسحت دموعها وعدلت كحلها وراحت جلست بالصاله مع البنات
اسماء : وش يبي منك ؟؟
شهد : ولاشي تهاوشت معه
اسماء : مليغ غصب كلموني وعطوني وجه
شهد : اه بس خليني ساكته ترى الدمعه بعيني
اسماء : ياقلبي انتي خليه يولي
شهد دمعت ماتدرين وش سوا فيني لو احد شايفني وقسم بروح فيها
اسماء : خلاص بس اضحكي
شهد مجامله : بتسمت

موضي تنادي على بناتها بيمشون الساعه 2 بالليل
خلود : بدري ياخاله ماشبعنا من البنات
موضي : لاوالله تأخر الوقت وانتي عارفه ماعندي عيال يودوني
ويجبوني متى ماابي والسواق ينخاف منه
خلود : يوه ياربي طيب نوصلك معنا
شهد : لا وين حنا نروح ....ماتبي تركب مع فيصل
ساره : خلود تكفين تعالي معنا البيت فاضي ابوي ومسافر
ومافي عيال تعالي نتونس
خلود بتفكير : طيب بقول لامي ..راحت شاورت امها ..ووافقت
شهد : يامامتي تكفين اللحين هم مع بعض وانا اطفش بالبيت
خلي اسوم تجي معي تكفين
موضوي : يمكن امها ماترضا
شهد : انا اكلمها ..وبعد محاولات وافقت ام اسماء ان بنتها تروح مع عمتها
طلعوا ركبوا السياره وراحوا لبيتهم نزلوا من السياره ودخلوا داخل
في الصاله والبيت كبير مره ومافي عيال يعني البنات مرتاحات

موضي : انا بروح انام يابنات تبون شي
الكل : سلامتك
موضي اخذت معها بنتها نور وراحوا ناموا فوق

خلود : يالله ساره اطلبي
ساره: بسم الله مايمدي خليه شوي
خلود: لا ماابي جوعانه ابي الحين
ساره : طيب دقي على المطعم وعطيه العنوان
ودقول على المطعم وجبات لكل وحده هم بس اربعه وعطوه العنوان

اسماء شافت شهد مو مع البنات بس سرحانه قطعت عليها
شهد وين وصلتي ؟؟
شهد : هاه لا معكم
اسماء تطالعها بطرف عين : علي انا قولي ..منو ماخذ باللك
شهد : محد بس كذا سرحت
اسماء : يابنت لاتخبين شي
شهد : تعالي ابيك فوق شوي

وقاموا بيصعدون
ساره : وين ؟؟
اسماء :فوق اذا وصل المطعم نادوا علينا
خلود : اوووكي

اقول روحي افتحي الكيس الي من محمد فرصه نشوف وش فيه
ساره : طيب
راحت ساره فتحت الكيس الي كان موجود بشنطتها
خلود : وشو ؟؟
ساره طلعت الساعه ولبستها :واو تخبل
خلود : ايه والله ذوووق حتى لونها حلو حييييل
ساره: فديته
خلود : ههههههههههه الله يخليكم يارب فديت الرومانسيين انا

حكت شهد السالفه كلها لاسماء وكلهم مقهورات من حركة فيصل
نزلوا تحت بعد ماندوآ عليهم البنات وتعشوا وناموا

____________________________
ثاني يوم الساعه 12 الضهر

(في شقة نواف وزوجته وسام )

وسام : نواف قوووم
نواف : همممم
وسام جلست على طرف السرير وسحبت اللحاف وتمسح على شعر نواف :
يالله حبيبي بسك نوووم يالله قووم
نواف سحب اللحاف : يؤؤؤ شوي
وسام : يالله قووم لك ساعه بس شوي شوي يعني وش تبي تسوي لك
هالشويآآت هذي
نواف عصب: قلنا لك اطلعي برا فارقي نبي ننام
وسام حز بخاطرها : طيب خلاص بس لاتعصب
نواف : الي يشوفك لازم يعصب اطلعي برا
وسام طلعت برا وسكرت الباب والدمعه بعينها
ياربي ليه هو كذا ابي افهم ليش مايحبني ودايم اسلوبه كذا معي وش
سويت له والله اني احبه
يارب ارحمني وسخره لي يارب ..مالي غيره يارب.. وبدت دموعها تنزل بقوه

_________________________________

شهد : اسووم قووومي بسك نوووم بنات عمي اتصلوا فيني قبل شوي
بيجونا العصر
اسوم قمزت من السرير : جد بيجون
شهد : هههههههه ايه قووومي كشخيني
اسووم: منو بيجيبهم شسمه نسيت اسمه هو
شهد : ايه يمكن قوومي
اسووم قامت غسلت وجهها واكلت لها كم لقمه وصعدت مع شهد فوق
اسوم: وين لابك ؟؟
شهد : هذا هو
اسوم : ابي افتح ايميلي
شهد : خوذيه
فتحوا للاب ودخلت اسماء ايميلها
اسماء بشهاااق: ايه شوفي منو داخل
شهد تعدل شعرها وقمزت لاسوم : منو ؟؟
اسماء : فيصل
شهد :مالت عليك احسبه احد ثاني مالت بس
اسوم : لابس مرسل لي رساله
شهد : شنو اشووف
اسووم : موجود شوفي يرسل لي
شهد : لاتردين
اسووم : اسكتي بس ابي ارد


فيصل :مرحبا
اسوم : نعم
فيصل : ياحوول يالناس الي ماعندها اسلوب تراني مرسل لك مو حبا
فيك ابي اسألك
اسوم : خلص وش تبي؟؟
فيصل : تكفين اسماء ابيك تساعديني انا ولد عمتك وابيك توقفين معي طلبتك
شهد : هذا شكله سخيف طنشيه
اسوم : حرام خلينا نشوف وش يبي ترا حنآ ماخذين عنه فكره
شهد : طيب ردي وش خسرانيين
اسوم : نعم قل وش تبي؟؟
فيصل : يعني بتساعديني؟؟
اسوم : اذا قدرت
فيصل : رح تقدرين بعدين انتي تدرين وش السالفه
اسوم : لا بس قول وش عندك
فيصل : انا احب

شهد واسوم مصدومات الخبل هذا عنده سوالف حب وحركات ههه
اسوم : والمطلوب مني ؟؟
فيصل : ابي اشوف رايك شلون اقولها ؟؟
اسوم : رح قلها احبك وانتهت السالفه
فيصل : يعني رايك كذا؟؟
اسوم : ايه امسكها وقلها احبك وانتهينا
شهد وقفت مصدوومه فيصل الخبل هذا الي هي وياه بس هواش
والي تعتبره مجنون واسلوب ماعنده يطلع منه كل هذا
والي بنات العايله كلها تعتبره بزر ولابنت تتغطاء عنه يحسبون عقله
صغير بجد صدمه
فيصل: طيب مشكوره
اسوم : العفو
فيصل : تعالي والا اقول خلاص
اسوم : طيب تبي شي لاني بطلع شهد تبي اللاب
فيصل : اها طيب باي
_______________________________

مها : قالت اوكي حياكم
منيره : طيب بعد العصر بنروح
مها : بنت خالتها عندهم وبنت خالها
منيره: اها طيب
مها : وش رايك نروح السوق ؟؟
منيره : اللحين الضهر
مها : مانطول
منيره : اقول بس انزلي تحت لايكثر كلامك بشووف اخواني وابوي
مها : طيب بنزل

نزلوا تحت وراحوا عند العايله (اهلهم بس) الي كلها مجتمعه بالصاله

مها : السلام
الكل : عليكم السلام
الاب : هاه اخبار مهوي ؟؟
مها : بخير
الاب : خلصتي حق حفلتك ؟؟
مها : لا باقي شويات
فهد : ناقصك شي تبين شي اجيب لك شي
منيره : ايه ناقصها الحلويات والي يسلمك احجز لنا
فهد : ان شاء الله على عرسي ان شاء الله هههههههه
مها: هههههههههههههه يارب متى نفرح فيك
منيره: بنسوي احلا زواج والله بس قلي من تبي اروح اخطبها لك
فهد : ياكلمه ارجعي مكانك مو اللحين بعدين
الاب: وش تنطر نبي نفرح فيك ونشوف عيالك
فهد : ان شاء الله يبا قريب
سعود كان ماسك جواله وانتبه لهم : يعني مخطط الولد
فهد : مو شغلك كمل لعبك
مها: هههههههه منو سعيدة الحظ الي بتاخذ اخوي مني؟؟
فهد : الي يسمعك يقوول آسكت معك مره
منيره: انا الي معك صح
فهد : ايه والله انتي وبس
مها : وش قصدك ؟؟
سعود : ماعليك منهم انتي اختي الغاليه اختي الصغيره يالبى
مها حاطه اصبعها في فمها : وه بس اروح فيها
طبعا العايله كلها متعاطفه مع مها لان امها ماتت وهي صغيره
وهي الدلوعه بالبيت ومايحبون يزعلونها لان فيها سكر
الاب: وين احمد ؟؟
منيره : بالدوام
الاب: متى بيرجع
مها : قبل العصر يودينا بيت عمامي بنروح لهم اليوم
الاب: زين اهم شي تتونسون
______________________________
بدر : اماني تكفين ابي غداء صلحي لي
اماني : والمقابل
بدر: افا ياعمتي لازم مقابل
اماني : لان انت ماينفع معك الا كذا
بدر: طيب وش تبين ؟؟
اماني : بروح لبيت موضي اليوم بعد العصر فيه جمعة بنات
بدر: طيب بس خلصي لي الغداء ميت جوع
اماني : حاضرين للطيبين
راحت اماني تصلح الغداء وطلع بدر برى مع صدقاه الي كانو في مجلس الرجال
سامي: اقول بدور تروح اليوم معنا للراشد نبي نشوف لنا بنات
بدر: ههههههههههه هذا همك انت
خالد : ايه تروح والا لا ؟؟
بدر: ليه اخليكم تتهنون وانا لا اكيد بروح
سامي: قول من البدايه
خالد : تعال وين غداك الي عازمنا عليه ؟؟ ترانا متنا جووع
بدر: يالله الحين يخلص<<بعد ساعه ههههههه
دق جوال سامي
خالد : اكيد صديقته
سامي : ههههههههه ايه نشبه
بدر: حط على السبيكر نسمع صوتها
سامي: عيب حبيبتي
خالد : صدقناك يعني اللحين انت من جدك تحبها
سامي: مستحيل بس اتغشمر معاكم
وحط على السبيكر وبداء يكلم البنت
البنت بصوتي نعووم : مرحبا حبيبي
سامي : هلا وغلا بحياتي هلا بالصووت
خالد طلع لسانه وبدر يضحك
البنت : كيفك حبيبي؟؟
سامي : بخير دامني سمعت صوتك
البنت : اشتقت لي؟؟
سامي: لا مو حيييييل
الشباااب ماتوا ضحك
البنت : منو عندك ؟؟
سامي : عيالي ههههههه
البنت : لاتتمصخر
سامي : سوري حيآتي آقصد ربعي
البنت : اها طيب اكلمك بعدين باي
سامي : باي

خالد: ياربي سكرت تدور واحد ثاني
بدر: اما صوتها تقول بسه مخنوقه ..عصر خشمه وبداء يقلدها الوووو
سامي: ههههههههههه ايه تغث بس خلني اخلص منها وبعدين نحذفها
خالد : احلا احلا ناوي
سامي: اكيد والا وش ابي فيها اتزوجها مثلا لا انا اخذ لي وحده احسن منها
بدر سرح يفكر بالبنت الي امس شافها منو هذي اموووت واعرف صحيح
انها حلوه بس ليش آعلق نفسي فيهآ
خالد : بدور وين رحت
بدر: معكم
_________________________________

العصر الساعه 5

راحت اماني لبيت اختها واختها راحت للسوق وبعد ربع ساعه دق الجرس

قمزت شهد هي واسوم وراحوا يفتحون الباب
شهد : اه ياقلبيييه قولي يارب هو
اسووم: يارب ..اسمعي اذا دخلوا انا بفتح الباب على كبره على شان
يشوفك اووكي
شهد : فديت عقلك والله اوكي بسرعه تعالي نفتح الباب

فتحوا الباب دخلوا البنات واسوم فتحت الباب على كبره وبالفعل شافها
احمد كان جالس بالسياره ولابس تيشيرت بنفسجي وبرمودا
اسود ومرجع شعره لورا وانتبه ورا مها اخته بنت تسلم عليها ابعدت
مها شوي والا شاف البنت الي طاحت قدامه فتح عيونه للاخير وتذكر
انها شهد خق عليها نفسه يقووم ويروح يشوفهآ من قريب
من اول ماشفتك وانا خقييت
شهد طالعت فيه وابتسمت وكانت لابسه فستان لين الركبه لونه ابيض
وفيه ورد بجميع الالوان ربع كم منفوخ من عند اليدين وتحت الصدر فيه
فيونكا حمرا وفاتحه شعرها وحاطه طوق عليه فيونكا لونه احمر واساور
احمر وجزمه احمر
وشكلها كيوووت نعوووومه مره
احمد شق لها الحلق وابتسم لها
خربت عليهم اسوم يوم سكرت الباااب

اسوم تسحب شهد لورا: هاه شفتيه
شهد تسحب نفسها وتمشي على خفيف وشاقه الحلق : اييييييييييه
اسوم : هههههههههه راحت فيها امشي بس
دخلوا داخل والبنات سوالف وضحك
وشوي طق الباب وراحت شهد بروحها تفتح الباب
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://b-wbs.top-me.com
قمر
بنوتة جميلة ~
بنوتة جميلة ~


عدد مسآهمآتي ~ : 200
نقآططي ~ : 200
سٌّمعَتي ~ : 0
مززآججي ~ :
جنســــيے ~ : انثى

مُساهمةموضوع: رد: روـآإيـــة " لآ تصصد هنآك" للكآتبه : أتعبني جفآك ‏   الثلاثاء يوليو 05, 2011 1:17 am

مشكوورهــ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BaNaT WbS
مديرة منتدى بنات وبس ~
مديرة منتدى بنات وبس ~
avatar

عدد مسآهمآتي ~ : 896
نقآططي ~ : 2095
العمر : 18
سٌّمعَتي ~ : 0
مززآججي ~ :
دَولِتے ~ :
جنســــيے ~ : انثى

مُساهمةموضوع: رد: روـآإيـــة " لآ تصصد هنآك" للكآتبه : أتعبني جفآك ‏   الثلاثاء يوليو 05, 2011 2:32 am

العفو شكرآ لمرور العطر


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://b-wbs.top-me.com
غلا نجد
البنوتات ~
البنوتات ~


عدد مسآهمآتي ~ : 5
نقآططي ~ : 5
سٌّمعَتي ~ : 0
مززآججي ~ :
جنســــيے ~ : انثى

مُساهمةموضوع: رد: روـآإيـــة " لآ تصصد هنآك" للكآتبه : أتعبني جفآك ‏   الخميس يوليو 07, 2011 12:12 pm

سأكتبُ كل العباراتِ في ورقٍ مخطوط ْ
لأجعل منها أروع أكليل من الحروفِ والكلماتِ
والزهور والأنغامْ
وألحانِ الشكرِ والاحترامْ
لأقدمها لكِ تعبيراً عن شكري وإمتناني لموضوعك الكريم ,,
تحياتي الوردية ...
لك خالص احترامي

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
BaNaT WbS
مديرة منتدى بنات وبس ~
مديرة منتدى بنات وبس ~
avatar

عدد مسآهمآتي ~ : 896
نقآططي ~ : 2095
العمر : 18
سٌّمعَتي ~ : 0
مززآججي ~ :
دَولِتے ~ :
جنســــيے ~ : انثى

مُساهمةموضوع: رد: روـآإيـــة " لآ تصصد هنآك" للكآتبه : أتعبني جفآك ‏   الخميس يوليو 07, 2011 12:25 pm

شكرآ ع المرور


[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة][ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://b-wbs.top-me.com
 
روـآإيـــة " لآ تصصد هنآك" للكآتبه : أتعبني جفآك ‏
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى بنات وبس  :: 。・゜・( آلفئه التعليميه)・゜・。 :: قـسم القصص والروآآيـــ آ ت والأساطير |•-
انتقل الى: